70. hamarkadaren azkenetan. Kattalin, Nafarroako baserri inguruko herri txiki batetik Oreretara doa bidaian. Osabaren etxera doa bizitzera, Donostian magisteritza ikasketak egiteko. Garai mugituak dira. Azken urteetan fabrika erraldoiak eraiki dituzte herri askotan. Herrixka izandakoak “hiri” bilakatu dira urte gutxian. Franko hil berri, Euskal Herria aldaketa sakonak ari da bizitzen. Fabriketan gero eta ohikoagoak dira patroien kontrako liskarrak eta egoera politiko berriak herri mugimendu antolatu bati egin beharko dio aurre. Kattalinek, Escuela de Magisterio-n, Ikastolen mugimenduarekin egingo du topo, eta haren bidez deskubrituko du mundu berri bat, lagun berriak, maitasuna, borroka, ideologia…

Sarrerak Lezoko Kioskoan eta Estankoan, Oreretako Xenpelar Kulturdendan eta Lizeoko Idazkaritzan (943526850) eskura daitezke 10 euroren truke.

http://gurebidegalduak.blogspot.com/

Atzo egun zoragarria bizi izan genuen Lezon, ikastola berriaren inaugurazioa merezi bezala ospatzeko. Eguna goibel hasi zen, bai, euri arteko asteburua izan baita. Baina, zorionez, ateri egon zen ekitaldi nagusiak iraun bitartean, eta zaparradek ezin izan zuten jaia lausotu.

Eskualdeko dultzaineroek herriko kaleak girotu ondoren, Saldise plazan bildutako guztiok kalejiran joan ginen ikastolara. Txalapartariek eta Murixka dantza taldean dauden ikasleek eman zioten hasiera ekitaldiari, eta, jarraian, hainbat ordezkarik hartu zuten hitza: Gotzon Bereziartua Lizeoko lehendakariak, Ainhoa Zabalo Lezoko alkateak, Julen Bengoetxea Hezkuntza delegatuak eta Euskal Herriko Ikastolen Konfederazioko ordezkari Arantza Manterolak, hurrenez hurren.

Iñaki Labakak ikastola berrirako propio sorturiko kantak hunkitu egin gintuen, eta Boxtin, Boxton eta Porrotxen emanaldi bereziak, berriz, barre ederrak eragin. Kilometroetako kantarekin ere dantzatu genuen, eta, zinta mozketaren ondotik, eraikin berria bertatik bertara ezagutzeko parada egon zen.

Lizeoko guraso, ikasle, langile eta irakasleez gain, udal, hezkuntza nahiz kultur arloko eragile asko bildu zituen ospakizunak.

Ikastolan bertan egindako bazkari jendetsuak eman zion, azkenik, inaugurazio ekitaldiari. Ospakizuna, ordea, ez da horrekin amaitu: hurrengo egunetan kulturaren txanda izango da. Goza dezagun!

Lezoko ikastola, bizitzeko irrika.

Datozen orduetan, inaugurazio ekitaldiko irudi gehiago nahiz bideoak ikus ahal izango dira hementxe bertan..

Urtarrillaren 27an, ostirala, 18:00tan Gezalan:
Azken Portua haur antzerkia (4-8 urte). Sarrera doan.
Leku mugatua denez, haurrak bakarrik sartuko dira. Haur guztiak sartu ondoren leku libreak badaude sartu ahal izango dira gurasoak.
Informazio gehiago hemen: http://dejabuazkenportua.blogspot.com

Urtarrilaren 29an, igandea, 18:00tan Gezalan:
Bertsolari, Asier Altunaren filma. Sarrera, 3 euro.
Filmari buruzko informazio gehiago hemen: http://www.txintxua.com/

Otsailaren 4an, larunbata, 19:30an Gezalan:
Antzerkia, Gure bide galduak. Sarrera, 10 euro.
Lanari buruzko informazio gehiago hemen: http://gurebidegalduak.blogspot.com/

Sarrerak osteguna 19tik aurrera izango dira salgai honako leku hauetan: Lezon, Kioskoan eta Estankoan; Lizeoko Idazkaritzan (943526850) eta Oreretako Xenpelar Kulturdendan.

• Esther Fraile, Lezoko ikastolako ikasle ohia, Lizeoko irakaslea gaur egun.

• Agustina Pontesta, Lezoko ikastolako irakasle eta Lizeoko guraso izandakoa.

• Elena Mendia, Lezoko ikastolako irakasle izandakoa, Lizeoko zuzendaria gaur egun.

• Jone Zabala, Lezoko ikastolako irakasle izandakoa, Lizeoko irakaslea gaur egun.

• Irene Salaberria, Lezoko ikastolako hastapenetako gurasoa.

• Jone Zabala, Lezoko ikastolako irakasle izandakoa, Lizeoko irakaslea gaur egun.

• Josune Saizar, Lezoko ikastolako ikasle eta Lizeoko guraso izandakoa.

• Miren Arroxe Treku, Lezoko ikastolako ikasle eta Lizeoko guraso izandakoa.

• Juanma Fernandez de Gorostiza, Lezoko ikastolako ikasle eta Lizeoko irakasle izandakoa, Lizeoko gurasoa gaur egun.

• Elena Olasagasti, Lezoko ikastolako ikasle ohia eta Lizeoko gurasoa gaur egun.

2010ko Kilometroak Lezon antolatu genuenean “(H)ona bostekoa!” esan genuen. Orain, festa hartan modu batera edo bestera parte hartu zenuten guztioi esker, “(H)ona ikastola!” esan dezakegu. Urtarrilaren 9tik ikasleak eta irakasleak Lezoko Ikastola berrian ari dira jada eta 22an inauguratuko dugu. Zatoz ezagutzera!
Mila esker Telmo Esnal eta Asier Altuna ikastolako gurasoei, orduko bideoklipa eta oraingo moldaketa hau egiteagatik eta mila esker zuen aletxoa jarri duzen guztioi!

Haurrek berea egin ondoren, hilaren 22an, inauguratuko dugu euskara eta euskal kulturaren etxe berri hau. Laster emango ditugu xehetasunak.

Argazkia: Hirian. Gehiago hemen

Horrela jaso du prentsak:

Lezoko Hitza: Ikastola berriarekin irrikaz

Hirian: Lezoko ikastola berriari bizitza eman diote txikiek

Noticias de Gipuzkoa: Pasaia-Lezo Lizeoko ikasle gazteek Lezoko zentro berria estreinatu dute

Diario Vasco: El Lizeo abrió ayer sus puertas en Lezo

Boxtonen laguntza paregabearekin auzolan erraldoi horretan islatu genuen ikastolaren proiektua: euskara eta euskal kultura ardatz, elkarlanean oinarrituriko hezkuntza eredua.

(H)ona bostekoa! esanez luzatu genion eskua proiektu horrekin bat egiten duen orori eta ehunka boluntarioren lana milaka lagunen babesa bilakatu zen. Bizitzeko irrikaz beteriko herri batek sortu zituen ikastolak orain dela bost hamarkada eta halaxe izan da oraingoan ere!

Lezoko ikastola bukatzen ari gara eta urtarrilean zabalduko ditu ateak, bizitzeko irrikaz, ikasteko irrikaz, hazteko irrikaz betetzeko: Haur Hezkuntzako lehenengo zikloko haurrek eta Lehen Hezkuntzako lehenengo mailakoek goxo hartuko ditu Lezoko Ikastolak. Urteetako ametsa errealitate bihurtzen ari gara.

Urtarrilaren 22an barruan daramagun poza zurekin partekatu nahi dugu; euskararen, euskal kulturaren eta herrigintzaren etxe hau inauguratuko dugunean.

Zatoz eta bizi ikastola!